ഞാന്‍ എന്റെ ഓര്‍മകളെ നിനക്ക് തരുന്നു;
എന്റെ പ്രണയം പൂത്തുലഞ്ഞ ഈ ഇലഞ്ഞിമരവും
ആദ്യമായി നമ്മള്‍ കണ്ട ആ നാളുകളും
എന്റെ കവിളില്‍ പതിഞ്ഞ ചുടുചുംബനവും
ആദ്യ മഴയില്‍ നനഞ്ഞ നമ്മുടെ സ്വപ്നങ്ങളും
വളപൊട്ടുകളും, മയില്‍പീലികുഞ്ഞുങ്ങളും
സ്വപ്നം നിറഞ്ഞ എന്റെ പുസ്തകതാളുകളും
നിന്റെ നീര്‍മിഴികളും എനിക്കായ് ഒളിപ്പിച്ച നിന്റെ ചിരിയും
നിനക്കായി കടലാസ്സില്‍ കോറിയ എന്റെ ഹൃദയവും
പ്രണയത്തിന്റെ കാല്പാടുകള്‍ പതിഞ്ഞ ആ ഇടവഴികളും
നല്‍കാം എല്ലാം ഞാന്‍ - നിനക്ക്
നല്‍കാമോ എന്നെ, തിരികെ എനിക്ക് ?
No comments:
Post a Comment